Friluftsgudsteneste i Gjersetdalen 15.juni

Tradisjonen tru, var det friluftsgudsteneste i Gjersetdalen, Villmarksområdet, 15.juni. Rett før gudstenesta skulle ta til, kome ein "floding" og reiv paviljongen overende, og folk på veg vart våte. Vi fekk difor flytta gudstenesta inn i Gildehallen, der vi hadde det lunt og godt. Søvik brass stod for musikken under gudstenesta, slik dei har gjort i mange år. Astrid Ulvestad Øygard heldt preika og Laila Beadle las tekst og forbøner. Det vart ei triveleg stund for oss som var der. Neste år satser vi på KodeB-leir, finare ver og fleire folk!