HtO - Haram trusopplæring

HtO står for Haram trusopplæring og er namnet på kyrkja sitt arbeid for barn og unge.

Minner namnet deg om vatn? Vatn omsluttar oss med fjordar på alle kantar. Vi liker reint vatn, og vatn er både viktig for miljøet og ei kjelde til liv og vekst. Vatnet er synleg i dåpen, der Gud gjer oss til sine barn.

Akkurat som vi treng vatn for å leve, er vi avhengige av påfyll for å vekse i trua på Jesus. HtO har fokus på at barn og unge skal få bli kjent med kristen tru og praksis gjennom spennande og artige tiltak i kyrkjelyden. Barnet sine nære er også hjarteleg velkomne til å vere med.

Under finn du meir informasjon om aktivitetane i kyrkjene våre.