Konfirmasjonstid
Konfirmasjon
"Vårens vakraste eventyr"; Det er konfirmasjonstid i kyrkjene våre. Rettnok "tjuvstarta" ein Lepsøykonfirmant på palmesøndag. Men no følgjer alle dei andre etter.
Komande helg er det konfirmantane i Vatne og Hamnsund sin tur, helga deretter følgjer Brattvåg, og til slutt Haram.
Konfirmasjonstid.
Det er fest i kyrkjene våre! Konfirmantane kjem i sin finaste stas for å bli konfirmerte. Kledd i kvite kapper kjem dei inn. Ein for ein kjem dei fram for altaret og blir bedt for. Gjennom mange månader har dei møtt på samlingar, aktivitetsdagar, leir og gudstenester. Dei har fått med seg ein ballast som vi trur kan hjelpe dei vidare i livet. Denne dagen får dei med seg ei bøn for framtida si og Guds velsigning. Vi gratulerer konfirmantane og familien med den store dagen!
Konfirmasjonane er slik:
- Vatne kyrkje laurdag 27. april kl. 10.30 og 12.30
- Hamnsund kyrkje søndag 28. april kl. 11.00
- Brattvåg kyrkje laurdag 4. mai kl. 10.30 og 12.30
- Haram kyrkje laurdag 11. mai kl. 11.00